أنا لجلك كتبت الشعر وفاضت بي الوجــــــدان
ومن مر السكات نطقت لــــــــــــــــك دواويني
طعن رمح الزمن قلبي وجيتك يا الغلا ضمـيان
أعد أيامي واللي بقى من زهرة سنــــــــــــيني
جيتك ودقات قلبي تسبق الشوق ولهـــــــــــان
ونزيف الجرح فتق لي مجرى شرايـــــــــــيني
ألملم بقايا جروح فيها الألم سهـــــــــــــــــران
ومن كف الصبا أبي الذكرى تواســــــــــــــيني
يمر طيفك على الذكرى ويهل المطر هتــــــــان
وتتحول وساع البيد أعشاب ورياحــــــــــــيني
حفرت اسمك بقلبي وصرت لدينتي سلطــــــان
وتاهت دروبي وما قدرت اوصل عنــــــــاويني
الحب بضامري جامح وللحزن فيه ألحـــــــــان
يعزف على نبض الشوق شوقن لك يـــــوديني
ألا يا ليت نعود صغار ندفي ليلنا البـــــــــردان
ونقطف من ليالي الشوق أمل بك يهنــــــــيني
أنا جيتك قبل لا أموت وأطلب من ربي الغفران
عسى أروي ضمى قلبي من شوفك وتشوفـيني
وقبل ما أرحل عن الدنيا ويطوي ليلي الأحزان
أبي بكف ايدينك إذا مت ساعتها تشيلــــــــيني
ألا يا ليت ما عثر حظي على درب العنا وحـان
وأنا اللي على كفوف السراب كلها عنــــوايني
