أزريت أطرده وما لقيت لوصله حبــــــــال
نشف ريق الشوق وهو ضامـــــــي وراها
ليتني ما شربت من قهوة الحب فنجـــــال
كان حالي بالهوى ما ضاق بفضـــــــــاها
رسمنا قلبنا مجروح فوق سطح ورمــــال
وجا موج البحر حطم مناي ومنــــــــــاها
عاندتنا السنين وفرقتنا في الحياه جبـــال
وما ارتوت عيني من شوفة حـــــــــــلاها
يا من سكنت بضامري وبالحيل قتــــــــال
أروي الجروح اللي جفت عروق مــــــاها
يا اللي رسمتك بداخل القلب تمثـــــــــــال
حسي بغرامي .. والقمره ما يخفى سناها
إن كانك تبيني فأنا لك سكن وظـــــــــلال
وإن ما تبيني .. روحي هناها نســـــــاها
كم قصيدة شوق كانت لقلبي مرســـــــال
أرسلتها لك بنبض الشعور وما محــــاها
لا تحسبين الحب عن القلب رحَّـــــــــــال
الحب يستوطن ضلوع ويعيش بهــــواها
