خط يا قلم واسقيني من قهوة الشعر فنجـــــــــال
وطرز فستان القصيد على مقياس ســــــــــايلها
من شفتها بنظره تولع القلب برسومها ومــــــال
وأنا اللي كنت أتحايل منها النظره وأحـــــــايلها
قالت وش فيك تناظرني ونظراتك علي طـــوال
ترى هذي نظراتك أبد لا يمكن أنـــــــــــا أقبلها
احشم شيباتك وخلك على ميزان الثقل رجـــــال
أنا بنت ولو تبي أعلمك ترى للأقوال فعــــــايلها
قلت لها يا بنت على شوفك كحل هالعين ســــال
وانزلت عبره على الخد وقفاها من ســـــــلايلها
صرخت في نفسي آه من زمانن ما يسر الحـــال
يهدهدني الحزن فيها وتسترني جــــــــــــــدايلها
يمكن جبرني الوقت أمشي لبحرها أهــــــــــوال
ويطردني سراب الشوق بالحب في رســــــايلها
أدري مثل ما في الدروب سهول فيها جبـــــــال
والله لأرقى ذروات الجبل وأعدل تمـــــــــــايلها
من بعدك كساني هالزمن جروح ورماني عقـال
وأنا اللي كان لي حكمه انبعت من لسان قـــايلها
اللي يذوق الحب يبقى يحب ولو عنه تشد رحال
ويبقى سنين على العهد وافي ويتحمل حمـــايلها
بعد ما طول سكوتي انفجر شوقي وهز جبــــال
وأمطرت غيم المحبه من عناقيد الوفا نــــوايلها
